Kafanin Apple na shirin fitar da wata sabuwar wayar iphone a taron da ya saba yi duk shekara wanda ya shirya gudanarwa gobe Laraba a garin San Francisco na jihar California.
A wajen bukin ana sa ran Apple zai bayyana sabuwar fasahar iPhone, wadda take kama da iPhone 6 da iPhone 6 Plus, sai dai akwai wasu canje canje da aka yi wanda zai banbantata da wayoyin baya, ciki harda madannin kunna wayar da sabuwar fasahar kamarar daukar hoto, haka kuma zata zo ne ba tare da gurin saka na’urar sauraro wadda ake makalawa a kunne wato headphone.
Sabuwar wayar dai zata fito ne ciki kaloli barkatai. Rahotanni na cewa za a iya kiran wayar da suna iPhone 7, ana kuma kyautata tsammanin cewa wayar za ta zamanto karama ce idan aka kwatanta ta da wayoyin baya, sai dai wasu masana na ganin yakamata yayi Apple ya ajiye sunan iPhone 7 domin amfani da shi a wayarsa ta shekara mai zuwa lokacin bukin cika shekaru 10 da fara yin wayar iPhone, maimakon haka ya saka ma wayar suna iPhone 6se.
A kwai jita jitar cewa Apple yana tanadin wani babban canji da ya shirya yiwa wayar iPhone sai zuwa shekara mai zuwa lokacin bukin cika shekaru 10.
Your browser doesn’t support HTML5
Apple Na Shirin Fitar Da Wata Sabuwar Wayar iPhone - 1'14"