Wani mutum da ya saci wayar hannu ya dawo da ita hade da wasikar neman a yafe masa.
A wani shagon walda dake garin Trenton a Amurka, ranar 11 ga wannan watan nan na Satumba ne dai kyamarar ‘daukan hotan bidiyo ta ‘dauki hotan wani mutum yana satar waya a wani ofishin mai shagon.
Ranar Talatar nan da ta wuce ne kyamarar daukan hotan ta sake ‘daukar hotan wani mutum yana daga wajen kamfanin ya cillo waya cikin ginin hade da wasikar bada hakuri.
Wasikar ta mutumin na cewa “Nine wanda na dauki wayar ku, ina cikin wani hali maras dadi shiyasa, ina mai baku hakuri da ku yafe min, ni ba irin mutanen nan bane amma halin kunci kan sa saka mutum aikata aikin Allah wadai.”
Wannan darasi ne ga kowa daga mai shagon zuwa shi kansa barawon, amma duk da haka ‘yan sanda na son mutumin ya mika kansa.