Hukumar kwallon kafa ta FIFA ta amince da tsayawa takarar mutane 5 na zaben watan fabairun shekara mai zuwa da za a yi don maye kujerar Sepp Blatter, shugaban hukumar kwanllon kafa ta duniya mai murabus, amma Michael Platini bai samu shiga cikin ‘yan takarar ba.
Mutanen guda biyar da suka cancanta tsayawa takarar biyo bayan gwaje-gwajen da aka yi masu sune: prince Ali Al-Hussain, sheikh Salman Bin Ebrahim Al-Khalifa, Jerome champagne, Gianni Infantino da Tokyo Sexwale, a cewar Issa Hayatou, shugaban rikon hukumar ta FIFA.
Za a duba batun tsayawa takarar Platini, shugaban kungiyar kwallon kafa ta tarayyar Turai da aka dakatar da shi yanzu haka, wanda ake gani shi zai maye gurbin Blatter, da zarar ya kammala horonsa na kwanakin casa’in da kwamitin da ke kula da ka’idojin hukumar FIFA ta bashi.