WASHINGTON, DC —
Kungiyar kwallon kafa ta Barcelona, ta lallasa Rayo Vallecano, inda tayi kwance-kwance ta jefa mata kwallaye 6, a raga, a cigaba da kasar La Liga, an dai tashi wasan ne 6 da 1.
Lionel Messi, a wannan wasan da suka buga da Rayo, ya samu cin Hat trick, wanda ya kawo adadin hat trick din da ya ci zuwa 24.
Kwallon da Luis Suarez, ya jefa a raga minti biyar da fara wasa ya karyawa kungiyar ta Rayo kadari, amma Suarez da Pedro basu turza da kyau ba, da abun yafi haka.
Koda yake Barca ta samu saukin jefa kwallaye a lokacin da aka dawo hutun yabin lokaci, kuma kashin da Real Madrid ta sha jiya, ya karfafawa Barca, gwiwa wajan yin kacha-kacha da Rayo, a yau din nan.
Yanzu haka dai Barcelona ce ke sama kan teburin La Liga.