A wasan farko na gasar neman guri na wakiltar nahiyar Afirka na wannan shekara ta 2015, a wasan cin kofin matasa na Duniya, Taiwo Awoniyi ne ya zarga kwallo cikin raga har sau biyu, da hakane matasan ‘yan ‘kasa da shekaru ashirin da haihuwa suka lashe wasan da suka buga da kasar Senegal da 3-1.
Cikin mintuna goma sha daya da fara wasan dai Awoniyi ya jefa kwallaye biyu a raga, an dai yi wannan wasan ne a filin wasa na Stade Leopold, a jiya Lahadi.
‘Dan wasa Ifeanyi Matthew ne ya jefawa matasan Najeriya kwallo ta uku a raga, kafin Sidy Sarr ya jefawa masu saukar baki kwallo daya a raga.
Matasan Najeriyar dai sune akan gaba cikin rukunun su na A, kuma suna da digo uku ayanzu haka, zakuma su kara da kasar Congo a wasan sun a biyu ranar Laraba. Zasu buga da Congo a filin wasan da suka buga jiya Stade Leopold.