Wakiliyar Dandalin VOA Baraka Bashir ta zanta da wata mace mai yiwa kasa hidima mallama Suraiya Baba Gaya, wacce ta tara kudin alawus dinta ta fara sana’ar saida zanin gado, a inda take yiwa kasa hidima dama wasu wuraren.
Tace tana sana’ar saida zanin gado, inda take saro su sai kuma ta kawo su inda take yin sabis dinta a gidan radiyon Freedom ta kuma sayar dasu, ta dai ce saida ta fara sabis tukunna tafara wannan sana’ar, kuma abin da ya jawo hankalinta kan wannan sana’a shine taga cewa sana’a ce mai shiga ga ma’aurata dama wanda basu da auren.
Kalubalen da take fuskanta shine mutane su karbi kayanta suce zasu bata kundin rana kaza, amma in ranar tazo sai ta nemi kudi ta rasa, wanda kalubale gareta saboda bazata iya sayo wasu kayan ba.
mallama Suraiya ta bukaci ‘yan uwanta mata masu yiwa kasa hidima dasu tunanin neman nasu na kansu domin zamo masu dogaro da kai.
Your browser doesn’t support HTML5
Mallama Suraiya Baba Gaya - 2'24"