WASHINGTON, DC —
Duk da haihuwar dansa na biyu mai sauna Mateo a yau juma’a, rahotanni sun ce dan wasan Barcelona Lionel Messi, zai buga wasansu da Atletico Madrid a karshen makon nan.
An baiwa Messi izni zuwa wajen karban haihuwar dansa a lokacin kungiyar na wasan atisaye, amma zai kasance cikin tawagar Barcelona a ranar asabar.
A shekarar 2012 budurwar Messi, Antonella Roccuzzo, ta haifa mai da na farko mai suna Thiago.
A wani taron manema labarai, mai horar da ‘yan wasan Barcelona, Luis Enrique, ya tabbatar da cewa Messi zai buga wasan.
“Yana cikin jerin sunayen ‘yan wasanmu, mun ba shi iznin kada ya yi atisaye a yau, saboda wasu dalilai na kansa.” In ji Enrique.