A jiya Lahadi kungiyoyin wasannin kwallon kafa na Sharks na Fatakwal, Bayelsa United, FC Taraba da Kwara United sun sami kwam-baya a gasar kakar kwallon kafar kwararru a Najeriya.
An gwagwata tsakanin kishiyoyin juna wato Sharks da Dolphins don zama a kololuwar nasara, duk da Sharks na neman nasara a kan Abia Warriors.
Amma kash! Maimakon haka sai suka tashi da kwallo daya a ragarsu da nema a ragar su ‘yan abia. Su kuma Dolphins suka yi kunnen doki 2 da 2 su da Shooting Stars na ibadan.
Su kuwa Akwa United sun kai labari ne a ranar karshe ta kakar wasannin kwallon, inda suka zurara kwallo daya da nema tsakaninsu da Lobi Stars na Uyo, inda Abdulafeez ya zura duk muhimman kwallayen a raga.
Sai kuma Rangers suka murkushe Bayelsa United da ci 3 da 1. kungiyar Enyimba su suka lashe gasar karo na 7 a makon da ya shude.
Inda suka yi kan-kan-kan da Warri Wolves. Sai dai sun sake shaida rashin nasarar zura kwallo a ragar Sunshine Stars a ranar karshe ta kakar wasannin.