Rundunar ‘yan Sandan jihar legas, ta cafke wata uwa mai shayarwa mai suna Gift Igwe, wace take zaune a layin Adenuga a unguwar Agunfoye dake Ikorodu na jihar Legas, wace ake zargi da laifin bankawa kanin mijinta mai suna Chimobi wuta.
An ce ta bankamashi wuta ne bisa dalilin cewa ya rasa inda ya ajiye wandonsa, da makwabtar suka ji kukansa sai suka kawo dauki wanda daga bisani aka garzaya dashi asibiti.
Kamar yadda jaridar Punch, ta ruwaito, tunda aka kawo Chimobi, daga Ishielu, dake jihar Ebonyi, Gift, take gana masa azaba.
Chimobi, wanda ke samun kulawa a asibiti, yace ta watsamasa kananzir ne sannan ta kyasta ashana, ya kara da cewa tunda aka kawo shi daga kauye baya zuwa makaranta.
Kakakin ‘yan Sanda Olarinde Famous-Cole, wanda ya tabbatar da labarin yace an bada balinta saboda dalilin cewa tana shayarwa, koda yake yace a kullum sai ta kawo kanta ofishin ‘yan Sanda, yayi da ake cigaba da bincike.
Chimobi, yanzu yana hannun kular gwamnatin jihar Legas.