Kwararru na cewa kamfanin shafin sadarwa na Facebook yana sauraron hirar da mutane keyi ta kan wayarsu a koda yaushe.
Kafanin na samun damar yin haka ne ta hanyar amfani da app din Facebook dake cikin wayoyin mutane, inda yake tattara bayanai da sauraron duk abinda suke cewa.
Sai dai a nashi bangaren Facebook ya amince cewar tabbas yana tattara bayanan sauti daga mutanen dake amfani da app din sa, kuma ba wai yana yin hakan bane domin samun bayanai kan mutane wajen sanin abin da zai tallata musu ba. yana yin hakane domin neman hanyar da zai bunkasa app din sa don moriyar mutane.
Wannan abu dai ba sabon abu bane tun shekarun baya aka gano kamfanin na yin haka, abin da ya ja hankalin mutane a baya bayan nan shine lokacin da Farfesa Kelli Burn, na Jami’ar Jihar Florida ya gargadi mutane kan wannan lamari.
