WASHINGTON DC —
Fitattun ‘yan wasan nan wato Juan Mata da kuma Angel Di Maria su suka fi kowane dan wasa tsada a tarihin kulab din Manchester united.
A shekarar da ta gabata dai ‘yan wasan sun kai darajar kudi fam Miliyan 97 wato dala miliyan (150) kamar yadda kulab din yayi diban sake komawa matsayin shi na daya daga cikin fitattun kulab din da ke Ingila.
Kawo yanzu dai, darajar farashin ‘yan wasan ta ragu, kuma akwai yiwuwar dukkan ‘yan wasan biyu ba za su sami damar shiga jerin ‘yan wasan da zasu kara da kulab din Newcastle a gasar firimiya ta farko a ranar laraba mai zuwa ba.
Dan wasan (Mata)wanda David Moyes ne ya saye shi kan kudi har fam miliyan 37.1, na zaman benci ne a yawancin lokuta.
