Cristiano Ronaldo ya zamanto ‘dan wasa na farko a tarihin kwallon kafar hisfaniya, daya ci kwallaye 50 a kakar kwallo biyar ajere.
Kaftin ‘din kasar Portugal yaci kwallo ta karshe, alokacin da kungiyar Real madrid ta samu nasara kan abokiyar karawarta ta Malaga 3 – 1 ranar Asabar, hakan ya maida Real Madrid maki ‘daya bayan abokiyar hamayyar ta Barcelona.
Ronaldo dai ya rasa damar shiga littafin tarihi bayan da ya sami rashin sa’a lokacin buga kwallon daga kai sai gola, amma duk da haka ya taimaka anci kwallo har sau biyu, kuma ya zarga tilon kwallo a guda.
Hakan na nufin ‘dan wasan mai shekaru talatin da haihuwa ya sami nasarar cin kwallaye a kakar wasannin La Liga har biyar, da cin kwallaye tara.
Ronaldo dai yayi wasannin har arba’in da biyar a wannan kakar. ‘Dan wasan dai yazo filin wasan kungiyar Real Madrid wato Santiago Bernabeu a shekara ta 2009 kan makurden kudade har euro miliyan tamanin.
