A wasannin kwallon kafa da ke cigaba da wakana na nahiyar turai a kasar Faransa, mai horas da ‘yan wasan Ingila Roy Hodson ya bada sanarwar yin murabus daga aiki bayan kwashe shekaru hudu yana jagorancin kungiyar wadda ta sha kashi a hannun Iceland.
Yanzu haka kungiyoyin da suka sami kaiwa ga wasannin kwata final sun hada da kasar Poland wadda ta doke kasar Switzerland, kuma zata kara da kasar Portugal, kasar Belgium kuma ta rafka kasar Hungary da kasa, sai kuma Jamus wadda ta doke Czechoslovakia, da kuma kasar kasar Italiya wadda ta doke kasar Spain wadda ke rike da kofin.
Kasar Faransa mai wakiltar baki kuma ta sami nasara akan kasar Island dan haka zata goga ne da Iceland a wasannin masu zuwa.
A wani labara na daban kuwa shine tsohon shahararren dan wasan kasar Argentina Maradona yayi kira ga Lionel Messi wanda ya fitar da sanarwar daina bugawa kasarsa wasa da ya dawo ya cigaba da taka leda.