Alexis Sanchez Ya Bukaci Arsenal Ta Biya Shi Fam Dubu £400 Duk Sati

WASHINGTON D.C — 

Alexis Sanchez na Arsenal ya shaida wa kungiyarsa cewar in har suna bukatar ya zauna a kulobdin to zasu rika biyansa fam dubu £400 duk sati, kungiyar ta Arsenal tana shirye shiryen ganin ta sayo dan wasan gaba na Leicester City mai suna Riyad Mahrez, dan shekaru 26 da haihuwa.

Kungiyar kwallon kafa ta Manchester United, ta amince da biyan fam miliyan £75 wajan ganin ta sayo dan wasan gaban Everton Romelu Lukaku.

Leicester City, tana zawarcin dan wasan gaba na Watford, Troy Deeney akan kudi fam miliyan £20.

Fernando Torres ya amince zai kara tsawaita zamansa a kungiyar Atletico Madrid, na shekara guda zuwa 2018.

Maitsaron baya na kungiyar Real Madrid Fabio Coentrao zai Koma kungiyar Sporting CP a matsayin aro na shekara guda.

Real Madrid, da Atletico Madrid, sun cimma yarjejeniya wajan sayen dan wasan baya na Atletico mai suna Theo Hernandez, dan shekaru 19 da haihuwa na tsawon shekaru shida.

Alexis Sanchez Ya Bukaci Arsenal Ta Biya Shi Fam Dubu £400 Duk Sati