Wasu Giwaye guda biyu sun ceci wata babbar mota daga kafewa, a lokacin babbar motar ta kafe akan hanyar zuwa jihar Lousiana dake Amurka.
Jami’an ‘yan sandan garin dake kusa sun sami kira, cewar wata babbar mota ta kafe akan hanya.
A lokacin da suka isa gurin da abin ya faru, sai suka ga Giwa guda biyu sun kokari hana motar kifewa.
A wata hira da jami’in tsaro Kaftin Tony Moran, yace, direban motar wadda yake mai horar da Giwaye ne, ya fito dasu daga bayan motar a lokacin da motar ta kafe ya kuma umarcesu da su jingina jikin motar domin hanata faduwa.
“wannan hikimace da basira,” inji Moran, wanda yace ‘yan sandan da suka zo gurin da abin ya faru sun yi mamakin ganin yadda lamarin ya kasance.
Alokacin da jami’in yake nuna hotan yadda Giwayen suka tallafi motar, sun jigina kan motar.
Bayan da aka taimaka wajen fitar da motar daga cikin wannan hali, direban yayi wa umarci Giwayen da su koma cikin motar.