Iyayen Daliban Chibok Da Aka Sace Sun Yi Bayanin Yadda Suka Shiga Daji Nemansu - 22/4/2014

WASHINGTON, DC —  A yayin da gwamna Kashim Shettima na Jihar Borno da sanata Mohammed Ali Ndume na Borno ta Kudu suke zubar da hawaye, iyayen dalibai mata da aka sace daga makarantar sakandare a garin Chibok, sun bayyana yunkurin da suka yi na kwato ‘ya’yansu daga hannun ‘yan ta’adda.

Daga Najeriya - Iyayen Yaran Chibok - 2'00"

Gwamna Shettima da sanata Ndume sun ba iyayen hakuri, suka kuma ce ana iyaka kokarin ganin an kwato wadannan yara daga hannun ‘yan bindigar da suka sace su.