Kungiyar U-23 ta Najeriya, wato ta matasa ‘yan kasa da shekaru 23 zasu kara da takwaransu na kasar Brazil, a wasan kawancen da zasuyi a Birtaniya a cewar babban kochin kungiyar Samson Siasia.
Samson Siasia yace, “muna fatan zamu koma sansanin horo kafin shiga gasar CAF na ‘yan ‘kasa da shekaru 23, mu kuma fara shirye shiryen wasan kawancen da zamuyi a Birtaniya da Brazil a ‘yan makonni masu zuwa.
Wasan kawance dai na daga cikin shirye shiryen mu na tunkarar gasar cin kofin matasa a nahiyar Afirka da za’ayi a Sanigal.
Matasan Najeriyan dai na cikin rukunin B, wannan rukuni kuwa ya hada da kasashen da suka hada da Mali da Algeriya da Masar.
za’ayi amfani da wannan gasar domin tantance kungiyoyin da zasu shiga wasannin Olympic da za’ayi ta shekara 2016, wato Rio de Janeiro da za’ayi a Brazil.