A gasar wasannin firimiya lig da ake a Najeriya an shiga mako na 28, inda FC Ifeanyi Ubah suka lashe wasansu 2-0 da FC Taraba, duk da cewa FC Taraba ta sami nasarar wasannin ta har biyu da tayi a gida, inda ta ‘kara da kungiyar Kano Pillars da kuma kungiyar Sharks.
FC Ifeanyi Ubah na lamba ta takwas akan teburin gasar ta Firimiya Lig, inda take da maki 41 daga cikin wasannin da ta buga har 28, ita kuma FC Taraba na lamba ta 19 kan teburin da maki 26.
A wasan da aka buga tsakanin Giwa da Enyimba kuwa, Giwa dai tayiwa Enyimba ci ‘daya mai ban haushi, inda mai tsaron gida Emmanuel Anyanwu sami zarga kwallo mintuna ashirin kafin karshen wasan, kwallon dai ta zamanto tilon kwallon da ta shiga raga a wasan.
Ga sakamakon wasannin na wannan makon:
Giwa 1-0 Enyimba
El Kanemi Warriors 2-1 Lobi Stars
Dolphins 2-0 Bayelsa United
Wikki Tourists 3-1 Akwa United
Heartland 2-0 Enugu Rangers
3SC 2-1 Sunshine Stars
Nasarawa United 1-1 Warri Wolves
Kwara United 1-0 Abia Warriors
Sharks 1-0 Kano Pillars.