Sana'ar Dogaro Da Kai Ko Babu Aikin Gwamnati Hakar Ka Na Cimma Ruwa

WASHINGTON D.C — 

Na koyawa ‘ya ta mai shekaru 11 yadda ake sana’ar hannu inda take taimaka min wajen yin ‘Ambar da man shawafa Basilin domin ta zama mai dogaro da kai a nan gaba inji malama Hussaina Shu'ibu Arab.

Ta bayyanawa wakliliyar DandalinVOA hakan ne tare da karin haskebisa dalilan da suka karfafa mata gwiwa bayan ta kammala karatunta shekaru uku da suka gabata kuma aiki ya gagare ta hakan yasa sa ta fara sana’ar hannu.

Hussaina ta ce tun da ta fara wannan sana’a sai dai ta ce san barka domin kuwa sana’ar dogaro da kai ta huce mata takaici.

Malama Hussaina ta ce kawo yanzu takan samu kwangilar yin sabulu, ambar na mata man shafawa da sauransu wanda a cewarta ko bata samu aikin gwamnati ba hakar ta ta cimma ruwa.

Sana'ar Dogaro Da Kai Ko Babu Aikin Gwamnati Hakar Ka Na Cimma Ruwa