Najeriya ta sami nasara a karon farko jiya Talata tunda Sunday Oliseh ya zama sabon koch din Super Eagles inda aka tashi 2-0 a wasan kawance da Jamhuriyar Nijar da akayi jiya.
Ahmed Musa ne ya fara zarga kwallon farko a raga a bugun penalty mintuna goma da fara wasa, sannan Moses Simon ya jefa kwallo ta biyu wadda ta zamanto kwallon sa ta farko a wasannin kasashen waje.
Tsohon ‘dan wasan Super Eagles Oliseh wanda ya karbi linzamin kungiyar a watan yuli, ya dai sami fitar da kansa daga abin kunyar da ya faru a wasansu da Tanzaniya inda aka tashi kunnen doki a farkon watannan.
Ahmed Musa ne da kwallon farko kafin Moses Simon ya rufe da zarga kwallon ta biyu a wasan kawancen da aka yi a jihar Port Harcourt.
‘yan wasan na Super Eagles dai zasu mai da hankalinsu ga zakarun wasan nahiyar Afirka inda zasu kara a watan Oktoba a kasar Burkina Faso.