Anyi ittifakin cewar, shahararren dan wasan kwallo kafa, Lionel Messi, shine fittacen dan wasa da duniyar kwallon kafa, bata taba gani ba a tarihin kwallo. A ‘yan kwanakin baya ne muka sheda muku cewar, dan wasan ya sauya kalan gashin kan shi, yanzu haka yayi bayanin dalilin yin hakan.
Idan ba’a manta ba, dan wasan mai shekaru ashirin da takwas 28, ya bayyanar da barin wasan kwallo na kasa-da-kasa, biyo bayan rashin nasarar da suka samu a wasan da suka gwabza da kasar Chile, a wasan Copa America.
A zantawa da yayi da manema labarai a kasar Birtaniya, yace yanzu haka dai ya dawo kungiyar tashi, da wani sabon shiri, wanda hakan yasa yayi sabon gyaran gashi, da yake bayyanar da wannan karon babu sassauci ga abokan karawa.
Ya kara da cewar “Na daukar ma kaina farowa daga farko, abubuwa da dama sun faru, don haka na daukar ma kaina alkawalin bari na yi sabon shirin don fuskantar gaba” rashin nasara a wasan Copa America, ya taba ni sosai, amma a yanzu babu dalilin da zai san a sake kasa a gwiwa.
Yanzu haka dai dan wasan ya dau alwashin kai kungiyar tashi ta Barcelona, ga tudun nasara a wasan Laliga, wanda yake da ya kinin kawo karshen kungiyar Real Madrid.
