WASHINGTON, DC —
Wasu 'yan harin kunar-bakin-wake cikin mota sun kai farmaki a kan wani wurin da sojoji ke binciken mutane da ababen hawa a Maiduguri, babban birnin jihar Borno.
Wani shaida ya fadawa VOA Hausa cewa fashe-fashe har guda uku da misalin karfe 2 na azahar a wannan wurin binciken na kan hanyar Maiduguri zuwa Damboa, dab da unguwar Mulai.
Shaidan yace ya ji karar farko a bayan da aka ba su hannu suka shige wannan wurin binciken, sai kawai ya hango wata mota kirar Volkswagen Golf a guje, wadda ta je ta kara da motar jami'an tsaro ta yi bindiga. daga nan sai ta ukunsu ta zo ita ma ta yi karo ta yi bindiga.
Yace mota ta hudu da tazo bam din cikinta ya ki tashi, sai wani mutum ya fito daga ciki da bindiga ya fara harbin kan mai uwa da wabi.
Shaidu sun ce an kashe sojoji da fararen hula a wannan wurin, amma ba a san adadinsu ba. Sojoji sun bayarda sanarwa su na fadin cewa 'yan ta'adda 4 sun mutu a lokacin da suka yi kokarin kai harin kunar-bakin-wake, kuma sojoji 5 sun ji rauni.
Wani shaida ya fadawa VOA Hausa cewa fashe-fashe har guda uku da misalin karfe 2 na azahar a wannan wurin binciken na kan hanyar Maiduguri zuwa Damboa, dab da unguwar Mulai.
Shaidan yace ya ji karar farko a bayan da aka ba su hannu suka shige wannan wurin binciken, sai kawai ya hango wata mota kirar Volkswagen Golf a guje, wadda ta je ta kara da motar jami'an tsaro ta yi bindiga. daga nan sai ta ukunsu ta zo ita ma ta yi karo ta yi bindiga.
Yace mota ta hudu da tazo bam din cikinta ya ki tashi, sai wani mutum ya fito daga ciki da bindiga ya fara harbin kan mai uwa da wabi.
Shaidu sun ce an kashe sojoji da fararen hula a wannan wurin, amma ba a san adadinsu ba. Sojoji sun bayarda sanarwa su na fadin cewa 'yan ta'adda 4 sun mutu a lokacin da suka yi kokarin kai harin kunar-bakin-wake, kuma sojoji 5 sun ji rauni.
