Dick Advocaat ya zama sabon manajan Sunderland kuma zai jagoranci tawagar ‘yan kwallon ta daga yanzu har zuwa karshen kakar wasannin bana, kuma an dora masa alhakin jagoranci da kiyaye kulob din arewa maso gabas a gasar wasannin zakarun turai.
Kwana guda bayan korar Gus Poyet wanda yayi jagorancin tawagar har na tsawon watanni goma sha bakwai, yayin da tayi nasarar lashe wasa daya cikin wasanni 12 a gasar premier, kuma tana mataki na 17 akan jaddawalin premier da maki daya a saman sauran kungiyoyin da zasu nutse ne aka nada tsohon kocin Neitherland din.
“Sunderland babban kulob ne kuma a shirye nake domin fuskantar duk wani kalubalen da ke iya tasowa nan gaba”, a cewar sabon kocin mai shekaru 67.
Ya kara da cewa, “a matsayin kulob mai fifiko, dole ne mu yi tsayin daka a (West Ham) ranar asabar din nan, kuma nayi matukar kosawa in fara aiki”.
