Dangane da zabe mai zuwa wani matashi yayi wa sauran matasan Najeriya matashiya akan mahimmancin kada kuri’a a lokacin zabe da kum aiki da hankali da gujewa tada zaune tsaye.
A hirar su da wakiliyar muryar Amurka Baraka Bashir, matashin ya yi bayanin cewar ya yi kokarin wayar wa da matasan da dama kai musamman illar sayar da katin zaben da wasu ke yinkurin yi da kuma amfani da ake da wasu matsan wajan tada zaune tsaye.
Zaben na Najeriya ya rage ‘yan kwanaki ne kawai daga yau kuma rohotanni da dama sun nuna cewar an sami labaran wasu dake sayar da katunan zaben nasu a wurare daban daban.
Daga karshe matashin yayi kira ga hukumar zabe mai zaman kanta ta Najeriya da ta tabbatar da yin adalci wajan kirgar kuru’u da kuma aiwatar da dukkan aikin ciki lumana da gaskiya, kuma talakawa su gane cewar kuri’ar su fa itace ‘yancin su.