A gasar cin kofin zakaru na Nahiyar turai na shekarar 2016/2017, jiya kungiyar kwallon kafa ta Barcelona dake kasar Spain ta lallasa takwararta ta Celtic wadda ke kasar Scotland da ci 7-0.
Wasan an bugane a kasar Spain yayin wannan wasan Shahararren dan wasan tsakiya na Barcelona kuma zakaran kwallon kafa na duniya Lionel Messi, ya jefa kwallaye har 3 aragar Celtic.
Messi ya jefa kwallon sa ta farko a cikin minti 3 da fara wasan inda ya sake zurara kwallo ta biyu a minti 27, na wasan. haka kuma ya sake samun damar saka kwallonsa ta uku a lokacin da ake minti 60, yayin da ake minti na 50 da wasan kuwa dan wasan gaba na Barcelona Neymar ya jefa tasa kwallon a ragar Celtic.
Shi kuwa dan wasan tsakiya Iniesta, ya samu nasarar saka kwallonsa ne a minti 59, da fara wasan.
Haka shima Suarez ba’a barshi a baya ba inda ya zurara kwallaye har guda biyu acikin mintuna 75, da kuma 88.
