WASHINGTON D.C —
Zai zama karon battar karfe a gasar kwallon kafar da za'a buga a tsakanin kasar Mexico da Najeriya a gasar cin kofin FIFA na 'yan kasa da shekaru 17. wato U-17 World cup.
Wannan wasa da za'a buga yau shine zagaye na kusa da na karshe, Emmanuel Amunike Kocin 'yan wasan Najeriya ya ce zasu yi iyakar kokarin su dan ganin sun doke abokan karawar nasu.
A cewar sa, su ma 'yan wasan na Mexico ba kanwar lasa bane, musamman idan aka kalli yadda suke taka leda.
Najeriyar dai ta taba zurawa Mexico kwallaye cikin raga a wasan cin kofin larabawa har sau biyu a shekarar 2013.
